អំពី ចាន់ រត្ថា

 

 មានបទពិសោធន៍ជាងដប់ឆ្នាំក្នុងវិស័យអប់រំ ថ្នាក់ជាតិ និងថ្នាក់អន្តរជាតិ ព្រមទាំងអង្គការមិនមែនរដ្ឋាភិបាល។ នាងខ្ញុំធ្វើការក្នុងផ្នែកចំណេះដឹងទូទៅ នៅកំរិត មត្តេយ្យសិក្សា បឋមសិក្សា មធ្យមសិក្សា បណ្ណាល័យ គ្រូឧទ្ទេសកម្មវិធីសិក្ខាសាលា ថ្នាក់ដឹកនាំសាលានិង មន្រ្តីសម្របសម្រួលថ្នាក់ស្រុក។

 

បទពិសោធន៍ការងារក្រៅប្រទេស

 

ខ្ញុំបានទៅមិនក្រោមម្ភៃប្រទេស ប៉ុន្តែប្រទេសដែលខ្ញុំបានរស់នៅគឺ UAE, Vietnam និង Singapore ។ ក្នុងរយៈពេលដែលខ្ញុំរស់នៅក្រៅប្រទេសប្រាំបួនឆ្នាំ ខ្ញុំតែងតែស្វែង​យល់ពីការអប់រំក្នុងប្រទេសទាំងនោះ ដោយខ្ញុំខិតខំរៀនសូត្របន្ថែមតាមសាលារៀនល្បីៗ ព្រមទាំងធ្វើការស្ម័គ្រចិត្តការងារក្នុងបណ្ណាល័យ នៅ Chatsworth International School of Singapore និងធ្វើជាជំនួយការគ្រូមត្តេយ្យ​សិក្សា និង ការងារក្នុងបណ្ណាល័យនៅ​ Renaissance International School Saigon of Vietnam។ 

 

ហើយមួយ​​ឆ្នាំចុងក្រោយ ខ្ញុំបានទទួលការងារជាគ្រូឧទ្ទេសពី Inlingua School of Languages  in Singaporeបើកវគ្គសិក្ខាសាលាដល់សិស្សនិស្សិត តាមមហាវិទ្យាល័យ និងបុគ្គលិកក្រុមហ៊ុន អំពីវប្បធម៌និងភាសាខ្មែរ ដែលពួកគេមានបំណងមកធ្វើទស្សនកិច្ច សិក្សា និងធ្វើការវិនិយោគ​នៅកម្ពុជា។ 

 

បទពិសោធន៍ការងារដឹកនាំសាលា

 

នាងខ្ញុំធ្លាប់ជានាយិកាស្រ្តី និងក្មេងជាងគេ ក្នុងខេត្តរតនគិរី នៅចន្លោះឆ្នាំ2007-2011។ ក្នុងការងារគ្រប់គ្រង និងដឹកនាំ ខ្ញុំបានសម្រេចគោលដៅពីរធំៗ គឺសាលាកុមារមេត្រី និង ការអប់រំដើម្បីយើងទាំងអស់គ្នា។ នាងខ្ញុំនិង បុគ្គលិក សិស្សានុសិស្ស មាតាបិតា អាណាព្យាបាល និងរដ្ឋអំណាចមូលដ្ឋាន ពួកយើងបានសហការណ៍ ចូលរួមរៀបចំបរិស្ថានក្នុងថ្នាក់ ក្រៅថ្នាក់ សួនច្បារ សួនបន្លែ សួនជីវៈចំរុះ និងដាំដើមឈើ ធ្វើម្លប់។ល។ មិនតែប៉ុណ្ណោះខ្ញុំបានធ្វើការទំនាក់ទំនងរកជំនួយពីក្រៅប្រទេស អង្គការជាតិនិងអន្តរជាតិ ព្រមទាំងមន្ទីរ និងក្រសួងពាក់ព័ន្ធ ដើម្បីទទួលបានថវិកា សំភារៈសិក្សា បច្ចេកទេស និង បុគ្គលិកអប់រំដែលមានសមត្ថភាពផងដែរ។ លទ្ធផលដែលខ្ញុំទទួលបានពីការខិតខំប្រឹងប្រែង ខ្ញុំទទួលអំណោយជាអន្តេរវាសិកដ្ឋានសំរាប់សិស្សនិងគ្រូស្នាក់នៅ មានអាហារពេលព្រឹកសំរាប់គ្រូនិងសិស្ស បានអាហារូបករណ៍ដល់សិស្សក្រីក្រ មានទឹក ភ្លើង កុំព្យូទ័រ បណ្ណាល័យ ។ល។ បើគិតជាថវិការាប់សិបមុឺនដុល្លាអាមេរិច ម្យ៉ាងទៀត ពួកខ្ញុំបានប្រមូលសិស្សជិតឆ្ងាយមកចូលរៀនស្ទើរគ្រប់គ្នា សិស្សសាលារៀនខ្ញុំបានក្លាយជាសិស្សពូកែតំណាងអោយសិស្សទូទាំងខេត្តមកប្រលងថ្នាក់ជាតិ ចំណែកសិស្សដែលប្រលងចូលថ្នាក់វិទ្យាល័យជាប់ទាំងអស់ សុទ្ធតែទទួលបានពិន្ទុល្អ ចុងក្រោយនាងខ្ញុំក៏បានប័ណ្ណសរសើរ និងគ្រឿងឥស្សរិយយសការងារថ្នាក់មាស ពីនាយករដ្ឋមន្រ្តីរបស់ប្រទេសកម្ពុជា។

 

បទពិសោធន៍ការងារជាគ្រូបង្រៀននៅបឋមសិក្សា

 

     នាងខ្ញុំធ្លាប់ជាគ្រូបង្រៀននៅបឋមសិក្សាបួនឆ្នាំ ដោយពីរឆ្នាំដំបូង ទទួលប្រាក់បៀរវត្តន៍ជាងដប់ដុល្លាក្នុងមួយខែតែប៉ុណ្ណោះ ហើយរហូតជិតពីរឆ្នាំទើបខាងក្រសួងទូទាត់អោយម្តង ប៉ុន្តែនាងខ្ញុំមិនបានខ្វាយខ្វល់ទេ ដោយនាងខ្ញុំមានគោលដៅច្បាស់លាស់ទាំងពីឪពុកនាងខ្ញុំស្លាប់ គឺការជួយមនុស្សពីដើមហេតុ ដូចនេះហើយខ្ញុំបានទទួលបង្រៀនសិស្សពីរពេលក្នុងមួយថ្ងៃ ហើយក្នុងមួយថ្នាក់មិនក្រោមចិតសិបនាក់ទេ ។ តែប៉ុណ្ណេះវាមិនទាន់អស់ចិត្តខ្ញុំទេគឺខ្ញុំទទួលការងារជាគ្រូឧទ្ទេសផ្នែកអប់រំសុខភាពសាធារណៈ ដល់សិស្ស មន្ត្រីក្នុងមូលដ្ឋាន និងប្រជាពលរដ្ឋ។ ក្នុងពេលនោះដែរខ្ញុំក៏ជាជំនួយការនាយក និងជាមន្រ្តីសម្របសម្រួលថ្នាក់ស្រុកទៀត។

 

លទ្ធផលដែលទទួលបាន គឺខ្ញុំទាក់ទាញការចូលរួមពីប្រជាពលរដ្ឋ ក្នុងការជួយជំរុញ និងលើកទឹកចិត្តកូនៗមកសាលា និង ចូលរួមកែលំអបរិស្ថានសាលា អោយក្លាយជាសាលាកុមារមេត្រី ។ ពេលស្របគ្នានោះដែរខ្ញុំទទួលប្រាក់លើកទឹកចិត្តជាគ្រូល្អ នាយកល្អ និង សាលាគំរូប្រចាំស្រុកផងដែរ។

 

ប្រវត្តិសិក្សា

 

- 2019- 2020  :  វិញ្ញាបនបត្រ Pre-Intermediate 2,3 និង Intermediate 1,2  នៅ British Council School of Singapore។

- 2014-2015  :  វិញ្ញាបនបត្រ Elementary 2 និងPre-Intermediate 1 នៅ Wall Street   English Center Saigon of Vietnam។

 

- 2014  :  វិញ្ញាបនបត្រ Level 4 Intermediate នៅ RMIT University Saigon of Vietnam ។

 

- 2011  :  វិញ្ញាបនបត្រ Beginner នៅ Pannasastra University of Cambodia។

 

- 2008  :វិញ្ញាបនបត្រ “កម្មវិធីអភិវឌ្ឍវិជ្ជាជីវៈ ភាពជាអ្នកដឹកនាំ” របស់ក្រសួងអប់ យុវជន   និងកីឡា។

 

- 2007:សញ្ញាបត្រ គរុកោសល្យ ឯកទេសភាសាខ្មែរ-សីលធម៌-ពលរដ្ឋវិជ្ជា   នៅមជ្ឈមណ្ឌលគរុកោសល្យភូមិភាគរាជធានី ភ្នំពេញ។

 

- 2006: វិញ្ញាបនបត្រ គ្រូឧទ្ទេសស្តីពីការទប់ស្កាត់អំពើហឹង្សាក្នុងគ្រួសារ និង កិច្ចការពារជនរងគ្រោះ។

 

- 2004: សញ្ញាបត្រ មធ្យមសិក្សាទុតិយភូមិ នៅវិទ្យាល័យសម្តេចឪសម្តេចម៉ែ ។

 

- 2002 : សញ្ញាបត្រ គរុកោសល្យ មធ្យមសិក្សាគរុកោសល្យភូមិភាគស្ទឹងត្រែង។

 

- 2002: វិញ្ញាបនបត្រ គ្រូបង្គោលផ្នែកអប់រំសុខភាពតាមសាលារៀនដោយប្រើវិធីសាស្រ្ត កុមារដើម្បីកុមារ ។

 

- 2000  : សញ្ញាបត្រ មធ្យមសិក្សាបឋមភូមិ នៅវិទ្យាល័យសម្តេចឪសម្តេចម៉ែ ។

 

- 1997  : វិញ្ញាបនបត្របឋមសិក្សា នៅបឋមសិក្សាសង្គមមានជ័យ ។

Ratha Photo Website.jpg